Livskvalitet i kvardagen
Ein god og trygg kvardag gjer livet enklare. I Fjord kommune kan du finne kvilepulsen. Du kan bu landleg eller sentrumsnært, eller kanskje midt i mellom?
I Fjord er vi omgitt av majestetiske fjell og fjordar som besøkande reiser langt for å oppleve, men det er også ein fin stad å bu for deg som er glad i frisk luft og uteliv. Du kan nyte eit liv nært naturen – og du rekk både å stikke til fjells etter arbeidstid og å avslutte dagen med eit kveldsbad i fjorden.
Fjord kommune er ein stad å bu, leve og arbeide – der vi saman skapar framtida.
Fjord = livskvalitet i kvardagen
Finn din plass
Fjord kommune har eit mål om å vidareutvikle det gode livet i eit levande lokalsamfunn. Eit variert bustadtilbod er ein viktig del av dette. Det finst bustadfelt i alle bygdene og både hus og leilegheiter til sals eller leige.
Gode oppvekstvilkår
I Fjord er vi opptatt av trygge og gode oppvekstvilkår og vi har eit fagleg godt og desentralisert tenestetilbod. Det finst også eit rikt og variert fritidstilbod for både barn, ungdom og vaksne, og vi hjelper deg gjerne med å finne det rette tilbodet for deg og familien din.
Fjord har tre barnehagar, tre grunnskular og eit godt kulturskuletilbod.
På Fjord kommune si nettside kan du lese meir om barnehagane og skulane våre (lenke).
Møt Syltebøen barnehage, Eidsdal SFO og Stordal skule i denne videoen.