Stilling ledig som journalist
Stilling ledig som journalist
Er du lidenskapeleg oppteken av å formidle lokale historier og bidra til å styrkje samhaldet i lokalsamfunnet? Då kan du vere den journalisten vi leitar etter!
Som journalist i Storfjordnytt vil du vere ansvarleg for å dekkje lokale hendingar, arrangement og nyheiter i Storfjord og nærliggjande område. Det vil også seie at det vert noko kvelds- og helgearbeid (stillinga inngår i helgeturnusen vår).
Arbeidsoppgåvene vil inkludere, men ikkje vere avgrensa til:
- Research og intervju for å skape informerande og engasjerande nyheitsartiklar.
- Skriving og redigering av artiklar på nynorsk.
- Fotografering og levande bilete for å berike nyhetsdekninga.
- Oppfølging av saker frå idéstadiet til publisering.
Vi søkjer ein kreativ, nysgjerrig og sjølvstendig journalist.
Ønskte kvalifikasjonar:
- Om du har utdanning eller erfaring innan journalistikk, kommunikasjon eller tilsvarande, er det ein fordel, men ikkje eit absolutt krav. Det viktigaste er dei personlege eigenskapane dine.
- Evne til å jobbe effektivt under tidspress.
- Gode samarbeidsevner og kommunikasjonsevner.
- Erfaring med fotografering/levande bilete er ein fordel.
- Lokalkunnskap eller evne til raskt å setje seg inn i lokale forhold.
- Den redaksjonelle målforma er nynorsk.
- Du må ha førarkort og disponere bil.
Vil tilbyr:
- Ein spennande jobb i eit lokalt mediehus med sterke røter i lokalsamfunnet.
- Moglegheit til å påverke lokalnyhetsdekninga og bidra til å styrkje demokratiet.
- Eit arbeidsmiljø med stor takhøgde, mykje engasjement og godt humør.
Olavsgata 8, 6210 Valldal
Publisert: 07.12.2023 kl. 10.15