Artiklar > Bli med Magne Tøsse på jobb
Bli med Magne Tøsse på jobb
Magne Tøsse og dei tilsette på Joker Stordal trivst godt på jobb.
I Fjord kommune bur det mange lokale heltar, og ein av dei er eldsjel Magne Tøsse frå Stordal.
I tillegg til å vere aktiv i lokalsamfunnet både gjennom idretten og anna, er han også dagleg leiar på daglegvarebutikken Joker i Stordal. Når ein kjem inn dørene, blir ein møtt av varme smil frå tilsette i butikken. -Det kjekke med å drive butikk på bygda er at alle kjenner alle, smilar Tøsse. Han helser på alle som kjem inn dørene for å handle i den vesle butikken.
Humor og humør
Magne fortel at han er oppteken av å ha eit godt arbeidsmiljø, med rom for både humor og humør på jobb. Han ønskjer også at alle kundane skal føle seg sett i det dei kjem inn døra. -Sjølv om det er ein liten butikk, har vi tilgang på heile sortimentet til Norgesgruppen, og kan bestille inn varer dersom noko spesielt manglar, seier han.
