Artiklar > Det skjer i påska!
Det skjer i påska!
Påska ligg straks framfor oss, og det vert også i år lagt opp til varierte aktivitetar i Fjord.
Her er tradisjonelle innslag som sikkert mange gler seg til gjennom påska.
I kjent stil er bygdafesten på Martin Linge-huset først ut på palmelaurdag med revy, mat og dans med Tafjord Festproduksjon. Bestill gjerne billett på førehand seier arrangøren.
Palmesøndag blir det 50 års jubileumskonsert med Eidsdal skulekorps i Eidsdal.
Onsdagen er det påskebingo på Tafjord Ungdomshus, og påskequiz hos Kulå Bowling og Restaurant.
Skjærtorsdag arrangerer Valldal IL sitt tradisjonsrike VM i langrenn (Valldalsmeisterskap), i alle fall slik planen er i skrivande stund. Same dagen er det friluftsgudsteneste på Løvoll i Eidsdal.
Sylteormen Bakeri har ope til og med påskeaften, Kulå Bowling og Restaurant har ope heilt til 2. påskedag, og skal også arrangere dans påskeaften med bandet Komus. Nilsgardstunet har ope for servering gjennom heile påska.
H.L. Muri slår til med «Super-påske» frå 16-19 april med 20% på alle ordinære varer.
Lingebakken har ope sitt gardsutsal gjennom påska, og har sjølvbetening på alkoholfritt på heilagdagane.
Påskeaftan er det tid for Valldal Culinarium på Khaya i Valldal, og det blir bygdafest i Eidsdal, i regi av Eidsdal IL.
Langfredag, 1. og 2. påskedag er det tradisjonelle gudstenester i Stordal og Norddal kyrkjer.
Det er altså mykje å gle seg til, og finne på gjennom påska i Fjord!
Kva skjer? Kulturkalender
Du finn detaljert informasjon i oversikta "Kva skjer" på www.opplevfjord.no.
Her finn du til ei kvar tid oversikt over alle arrangement som blir meldt inn, i regi av både lag,organisasjonar og næringsdrivande.
Har du eit arrangement som ikkje står i lista? Husk at du sjølv må melde inn dine arrangement til frivillig@fjord.kommune.no
Vil du ha plakat på infoskjermane? Då tek du kontakt med Fjordhagen.
Epost: gromarita@fjordhagen.com
God påske!
